कोबीचे थालीपीठ / भानोले

माझ्या आईने  शिकवलेली व माझ्या आवडीची पाककृती देत आहे.


साहित्य :

• बारीक चिरलेला कोबी ३ वाट्या
• बारीक चिरलेला कांदा दिड वाटी
• खरवडलेला नारळ १ वाटी
• बारीक चिरलेली कोथिंबीर १/२ वाटी
• चणाडाळीचे पीठ (बेसन) आवश्यकतेनुसार
• १-२ चिरलेल्या हिरव्या मिरच्या
• हळद, हिंग, थोडेसे लाल तिखट, मीठ चवीनुसार
• तेल आवश्यकतेनुसार

कृती :
१) प्रथम एका भांड्यात चिरलेला कोबी, कांदा ,चिरलेल्या हिरव्या मिरच्या, चिरलेली कोथिंबीर, मीठ, हळद, हिंग, लाल तिखट व एकत्र करा.

२) थोडे पाणी सुटले की, त्यात चणाडाळीचे पीठ घाला. गरज वाटली तर अगदी थोडेसे पाणी वापरा. थालिपीठाचे पीठ भिजवतो तसे भिजवा.

३) १-२ चमचे तेल घालुन पीठ भिजवून घ्या.

४)  तव्याला तेल लावून तयार पिठाचे थालीपीठ लावा. झाकण ठेवा. २-३ मिनिटांनी झाकण काढुन थालीपीठ उलटुन भाजुन घ्या. थोडे थोडे तेल तव्यावर सोडुन दोन्ही बाजुने भाजुन घ्या.

५ ) गरम-गरम तुप घालुन सर्व्ह करा .