पोळीचे चिप्स

बहुतेक जणांना माहित असावा पण मला आवडणारा पदार्थ.  मुलांना डब्यात देण्यासाठी  किंवा भुक लागली की, पटकन देता येईल असा व घरात उपलब्ध असणा-या साहित्यापासुन  तयार होणारा पदार्थ.

साहित्य:

• २-३ तयार पोळ्या /चपात्या (ताज्या किंवा शिळ्या पोळ्या सुध्दा चालतील.)
• थोडेसे तिखट
• मीठ चवीनुसार
• थोडासा चाट मसाला (ऐच्छिक)
• तळण्यासाठी तेल आवश्यकतेनुसार 

कृती:

१) प्रथम पोळी अर्धी करा व कात्रीने किंवा हाताने पोळीचे उभे तुकडे करून घ्या.

२) एका कढईत तेल तापवुन त्यात पोळीचे उभे तुकडे लालसर रंगावर तळुन घ्या व एका भांड्यात काढा.

३) तयार तळलेल्या पोळीच्या तुकड्यांवर लाल तिखट, चवीनुसार मीठ, चाट मसाला (ऐच्छिक) भुरभुरवुन घ्या.

४) चिप्स खाली-वर करून घ्या म्हणजे पोळीच्या चिप्सना सगळीकडे लाल तिखट व मीठ लागेल.

४) तयार पोळीचे चिप्स् सर्व्ह करा.