शेव लाडू

साहित्य:

• १/२ वाटी चिक्कीचा गुळ
• बारीक शेव आवश्यकतेनुसार
• १ चमचा साजूक तूप

कृती:

१) एका कढईत चिक्कीचा गुळ घालून मध्यम आंचेवर वितळवून घ्या. गुळ वितळला की, त्यात मावेल इतकीच शेव घालून मिश्रण एकत्र करून घ्या. ( शेव घालायच्या अगोदर हाताने थोडीशी मोडून घ्या. अंदाजे सव्वा ते दिड वाटी शेव लागते.) त्यात १/२ चमचा तूप घालून मिश्रण एकत्र करा व १-२ मिनिटांनी गॅस बंद करा.

२) मिश्रण कोमट झाल्यावर त्याचे लाडू वळून घ्या.लाडू करतांना तळहाताला तूप लावून लाडू वळा.

वरील साहित्यात ५-६ मध्यम आकाराचे लाडू तयार होतात. शेवेत मीठ असल्याने लाडूमध्ये मीठाची चव लागते.