उपासाचे थालीपीठ व रताळ्याचा किस

उपासाचे थालीपीठ करण्यासाठी उपासाची भाजणी आहे.
उपासाची भाजणी:

साहित्य:

• १ वाटी भगर
• १ वाटी साबुदाणा
• १चमचा जिरं

कृती:

वरील सर्व साहित्य वेगवेगळे भाजून घ्यावे. गार झाल्यावर मिक्सरमध्ये बारीक दळावे.

उपासाचे थालीपीठ:

साहित्य:

• २ वाट्या उपासाची भाजणी
• १ उकडलेला बटाटा
• १/२ वाटी शिंगाडा पीठ ( ऐच्छिक)
• १/२ वाटी शेंगदाण्याचे कूट
• १ चमचा लाल तिखट /१चमचा हिरव्या मिरचीची पेस्ट
• साजूक तूप / रिफाईंड शेंगदाण्याचं तेल जरुरीनुसार
• मीठ चवीनुसार

कृती:

१) वरील साहित्य एकत्र करून जरुरीनुसार पाणी घालून घट्टसर भिजवून घ्या.

२) एका केळीच्या पानावर/ प्लास्टिकच्या कागदावर थालीपीठ थापा व तव्यावर तेल/ तूप सोडून दोन्ही बाजूंनी शेका.

वरील साहित्यात ३-४ थालीपीठं होतात.

झटपट शेंगदाणा चटणी:

साहित्य:

• १/२ वाटी शेंगदाण्याचे कूट
• १ चमचा लाल तिखट
• २-३ चमचे दही/ १/२ वाटी ताक
• मीठ चवीनुसार

कृती:
वरील साहित्य एकत्र करून घ्या. आवश्यकतेनुसार घट्ट किंवा पातळ करा.
उपासाच्या थालीपीठाबरोबर तयार चटणी किंवा दही
सर्व्ह करा.

रताळ्याचा किस

साहित्य:

• १/२ किलो रताळी
• १ चमचा जिरं
• ४-५ हिरव्या मिरच्यांचे तुकडे
• १ चमचा साखर
• २-३ चमचे शेंगदाण्याचं कूट
• मीठ चवीनुसार
• साजूक तूप / रिफाईंड शेंगदाण्याचं तेल जरुरीनुसार

कृती:

१) रताळी पाण्यात घालून स्वच्छ धुवून घ्यावीत. सालं काढून पुन्हा धुवून किसणीने किसून घ्या.

२) एका कढईत तेल/तूप तापवून त्यात जिरं व हिरव्या मिरच्यांचे तुकडे घाला. रताळ्याचा किस घाला. शेंगदाण्याचं कूट, साखर व चवीनुसार मीठ घालून मिश्रण ढवळून घ्या. कढईवर एक झाकण ठेवून १-२ वाफा देऊन रताळ्याचा किस शिजवून घ्या.

३) तयार रताळ्याचा किस दह्याबरोबर सर्व्ह करा.