गोडाचा शाही शिरा

साहित्य:

• १ वाटी मध्यम रवा
• १ वाटी साखर
• १५-१६ भिजवलेले बदाम
• साजूक तूप जरुरीनुसार
• १ ते सव्वा वाटी दुध
• दिड वाटी पाणी
• २ चमचे केशर-वेलची सिरप / वेलची पावडर व केशर
• १०-१२ काजूचे तुकडे 
• १/४ वाटी बेदाणे
• मीठ चिमुटभर

कृती:


१) एका कढईत २-३ चमचे साजूक तूप घालून रवा खमंग भाजून घ्यावा.

२) भाजलेल्या रव्यामध्ये चिमुटभर मीठ व १ वाटी उकळीचे पाणी घालून रवा फुलवून घ्यावा. रवा कोरडा वाटल्यास अजून थोडे पाणी घालावे.( उकळीचे पाणी घातल्याने रवा छान फुलतो.)

३) भिजवलेले बदाम व १/२ कप दूध एकत्र करून मिक्सरमध्ये बारीक वाटून पेस्ट करून घ्या. (६-७ तास बदाम भिजवून बदामाची पेस्ट सालासकट करावी.)

४) तयार बदाम पेस्ट, साखर व केशर-वेलची सिरप रव्यामध्ये घाला. ३-४ चमचे साजूूूक तूप सोडा. काजूचे तुकडे व बेदाणे घालून मिश्रण ढवळून त्यावर झाकण ठेवा. मध्यम आंचेवर एक वाफ येऊ द्यावी. आवश्यकतेनुसार पुन्हा थोडे दूध व तूप घालून शिरा ढवळून एक वाफ द्या.

५) गरम-गरम शाही शिरा सजावट करून सर्व्ह करा. अशी सजावट लहान मुलांना नक्कीच आवडेल.

रेसिपी आवडली तर लाईक व कमेंट नक्की करा.