मिक्स ढोकळा

साहित्य:

• १ वाटी इडली रवा
• १/२ वाटी उडिद डाळ
• १/२ वाटी चणाडाळ
• १/२ वाटी अख्खे मुग
• १/२ इंच आलं व २-३ हिरव्या मिरच्यांची पेस्ट (आपल्या आवडीनुसार कमी जास्त प्रमाणात वापरू शकता.)
• १/२ लिंबाचा रस
• थोडासा खायचा सोडा
• मीठ चवीनुसार

फोडणीकरिता:

३-४ टे. स्पुन तेल, थोडेसे जिरं, मोहरी, हिंग व  ५-६ कडिपत्याची पाने

सजावटीकरिता :

खोवलेला नारळ व बारीक चिरलेली कोथिंबीर 

कृती:

१) इडली रवा, उडिदडाळ, चणाडाळ व अख्खे मुग एकत्र करून धुवून  ७-८ तास पाण्यात भिजवावे.

२) नंतर सगळे मिश्रण प्रमाणात पाणी घालून इडली पिठाप्रमाणे बारीक वाटुन पुन्हा ७-८ तास झाकुन ठेवावे.

३) ७-८ तासानंतर ढोकळा करतांना त्यात आलं व मिरची पेस्ट, १/२ लिंबाचा रस व मीठ चवीनुसार घालुन मिश्रण एकत्र करा व  थोडासा खायचा सोडा घाला.

४) ढोकळाच्या थाळीला तेल लावून घ्या व  कुकरमध्ये पाणी उकळत ठेवा. तयार मिश्रण थाळीत ओता व १०-१२ मिनिटे कुकरमध्ये वाफवा.

५) ढोकळा तयार झाला की,  तेल तापवुन जिरं, मोहरी, हिंग व कडिपत्याची फोडणी द्या. वरून खोवलेला नारळ व बारीक चिरलेली कोथिंबीर घालून सजवा . 

६) गरमा-गरम ढोकळा नारळाच्या चटणी बरोबर सर्व्ह करा.