आलु-पराठा

साहित्य :
सारणासाठी:

• ४-५ मध्यम आकाराचे उकडलेले बटाटे
• १/२ चमचा लाल तिखट
• १/२ चमचा गरम मसाला
• १/२ चमचा आमचुर पावडर
• १/२ चमचा जिरंपुड
• १ चमचा धनेपुड
• २ चमचे कसुरी मेथी
• थोडीशी चिरलेली कोथिंबीर ( ऐच्छिक)
• मीठ चवीनुसार

कव्हरकरिता:

• गव्हाचे पीठ ३ वाट्या
• थोडेसे तेल
• मीठ चवीपुरते

कृती:

१) एका भांड्यात बटाटे मॅश करून घ्या. (बटाट्याच्या गुठळ्या ठेवू नका.)

२) त्यात १/२ चमचा लाल तिखट, १/२ चमचा गरम मसाला, १/२ चमचा आमचुर पावडर,१/२ चमचा जिरंपुड, १ चमचा धनेपुड,२ चमचे कसुरी मेथी, थोडीशी चिरलेली कोथिंबीर, मीठ चवीनुसार घालून मिश्रण एकत्र करा.

३) एका भांड्यात गव्हाचे पीठ घ्या त्यात मीठ व थोडेसे तेल घेऊन सैलसर कणिक भिजवुन घ्या.

४) तयार कणकेचा गोळा घेऊन त्याची वाटी करून तयार सारण भरा व पराठा लाटा.

५) तव्यावर शेकतांना दोन्ही बाजुंनी साजुक तुप किंवा बटर लावून शेका.

६) गरमागरम पराठा दही, साॅस किंवा चटणी बरोबर सर्व्ह करा.

( कोथिंबीर घातली नाही तरी चालेल फक्त  कसुरी मेथीचा स्वाद सुद्धा  खुप छान लागतो. लसुण व मिरची पेस्ट आपल्या आवडीनुसार घालु शकता.)