छोले-पुरी

छोले 
साहित्य:

• काबुली चणे २ वाट्या ( अंदाजे १५०-२०० ग्राम. काबुली चणे पाण्यात ७-८ तास भिजवा.)
• १ मोठा टोमॅटो चिरलेला
• १ चमचा छोले मसाला
• थोडीशी हळद
• थोडेसे लाल तिखट (आपल्या आवडीनुसार कमी जास्त घेऊ शकता.)
• १-२ तमालपत्राची पानं
• १ लहान चमचा साखर
• मीठ चवीनुसार
• फोडणीकरिता तेल (आवश्यकतेनुसार )

वाटलेला मसाला:

• १ चमचा धनेपूड
• १/२ चमचा जिरंपूड
• १/२ इंच आलं
• २-३ हिरव्या मिरच्या (आपल्या आवडीनुसार कमी जास्त घेऊ शकता.)
• ५-६ लसुण पाकळ्या
• १ मध्यम दालचिनी तुकडा
• १-२ मसाला वेलची
• ५-६ लवंगा
• २ मध्यम कांदे (उभे चिरून १ चमचा तेलावर परता.)

कृती:

१) भिजवलेल्या काबुली चण्यात थोडे पाणी, मीठ व सोडा घालुन कूकरमध्ये मऊ शिजवून घ्या.

२) मिक्सरच्या भांड्यात दालचिनीचा तुकडा, मसाला वेलची, लवंगा, धनेपूड, जिरंपूड बारीक वाटा. त्यात आलं, हिरव्या मिरच्या, लसुण पाकळ्या, परतलेला कांदा व थोडेसे पाणी घालुन मसाला बारीक वाटुन घ्या.

३) एका कढईत २-३ डाव तेल तापवा त्यात १ लहान चमचा साखर घाला. थोडेसे लाल तिखट, थोडीशी हळद, १-२ तमालपत्राची पानं व वाटलेला मसाला, छोले मसाला घालून परता. तेल सुटू लागले की, त्यात बारीक चिरलेला टोमॅटो घालून परता. टोमॅटो एकजीव होईपर्यंत परता.  त्यात १/२ वाटी शिजवलेले काबुली चणे मिक्सरमध्ये भरड वाटुन घाला व परता.

४) शिजवलेले काबुली चणे, चवीनुसार मीठ व आवश्यकतेनुसार २-३ वाट्या पाणी घालून थोडा वेळ उकळवा व दाटसर ग्रेव्ही करा .  

पुरी :
साहित्य:

• गव्हाचे पीठ  ३ वाट्या 
• मुठभर जाडा रवा 
• २ टे. स्पून चणाडाळीचे पीठ 
• १/२ चमचा साखर 
• चवीपुरते मीठ 
• तळण्यासाठी तेल 

कृती :
एका भांड्यात ३ वाट्या गव्हाचे पीठ  घ्या. त्यात मुठभर जाडा रवा , २ टे. स्पून चणाडाळीचे पीठ, १/२ चमचा साखर व चवीपुरते मीठ  घाला. त्यावर २ टे. स्पून गरम  तेलाचे मोहन घालून घट्ट कणिक भिजवा. पुऱ्या लाटून तेलात तळा. 



गरम-गरम पुऱ्या व छोले कांदा व लिंबू घालुन सर्व्ह करा.(आवडत असल्यास बारीक चिरलेली कोथिंबीर घाला.)