हिरव्या हरभ-याची उसळ

साहित्य:

• २०० ग्रॅम हरभरे
• १ मध्यम आकाराचा कांदा चिरलेला
• १ टोमॅटो चिरलेला
• ५-६ लसुण पाकळ्या व थोडेसे आलं
• १-२ हिरव्या मिरच्या चिरलेल्या
• १ टीस्पून काश्मिरी लाल तिखट
• १/२ टीस्पून लाल तिखट (ऐच्छिक)
• १ टीस्पून धने पावडर
• १/४ टीस्पून जिरं पावडर
• ५-६ कडिपत्याची पानं
• १/२ टीस्पून साखर 
• २-३ टेबलस्पून तेल
• फोडणीसाठी थोडीशी मोहरी,हिंग, हळद
• मीठ चवीनुसार

कृती:

१) एका भांड्यात ८-१० तास हिरवे हरभरे पाण्यात  भिजवा. प्रमाणात पाणी व थोडेसे मीठ घालून हरभरे कुकरमध्ये (३-४ शिट्या करा) शिजवून घ्या.

२) एका कढईत तेल तापवून त्यात मोहरी, हिंग, हळद घालून फोडणी करा. त्यात चिरलेला कांदा घालून परता. कांदा लालसर झाल्यावर कडिपत्याची पानं व टोमॅटो घालून परता. शिजवलेले हरभरे व थोडेसे पाणी घाला व उकळी येऊ द्या. त्यात धने पावडर, जिरं पावडर, लाल तिखट, साखर, काश्मिरी लाल तिखट, बारीक चिरलेल्या हिरव्या मिरच्या, आलं व लसुण पाकळ्या ठेचून घालाव्या. चवीनुसार मीठ घाला, घट्टसर झाल्यावर गॅस बंद करा. गरमगरम पोळी बरोबर हरभरा उसळ सर्व्ह करा.