नारळाच्या वडया/ Naralachya vadya/Coconut barfi

साहित्य:

• ३ वाट्या खोवलेला नारळ
• ३ वाट्या साखर
• १/२ कप दूध
• दीड वाटी मिल्क पावडर
• ३-४ थेंब व्हॅनिला इसेन्स किंवा १/२ टीस्पून वेलची पावडर 
• १ टेबलस्पून मिल्क मसाला ( ऐच्छिक)
• साजूक तूप आवश्यकतेनुसार 
• १ टीस्पून पीठीसाखर 

कृती:

१) खोवलेला नारळ, साखर व दूध एकत्र करून मिक्सरमधून फिरवून थोडेसे बारीक वाटून घ्या.

२) एका 'ट्रे' ला किंवा थाळीला तूप लावून घ्यावे.

३) एका नाॅन-स्टीक पॅनमध्ये नारळाचे मिश्रण घेऊन त्यात एक टेबलस्पून तूप घालून मिश्रण मध्यम आंचेवर ठेवून १५-२० मिनटं ढवळत रहावे, मिश्रण आटत आल्यावर त्यात मिल्क पावडर व मिल्क मसाला घालावा. थोडे थोडे तूप घालून सतत ढवळत रहा. मिश्रण घट्टसर होत आले की, १ टीस्पून पीठीसाखर घालावी. तयार मिश्रणाचा घट्ट गोळा झाला की, 'ट्रे' /थाळी मध्ये मिश्रण घालून एकसारखे पसरवून वड्या पाडा.

४) थंड झाल्यावर वड्या डब्यात भरून ठेवा.