टोमॅटो राईस

साहित्य:

• २ वाट्या बासमती तांदूळ
• १ मध्यम कांदा चिरलेला
• ३-४ टोमॅटो
• १ टीस्पून आलं व लसुण पेस्ट
• १-२ हिरव्या मिरच्या
• ५-६ कडिपत्याची पानं
• २ टीस्पून धने पावडर
• १ टीस्पून काश्मिरी लाल तिखट
• १/२ टीस्पून लाल तिखट
• १ टीस्पून जिरं पावडर
• २-३ टेबलस्पून तेल
• १/४ चमचा मोहरी,थोडेसे जिरं व हिंग
• मीठ चवीनुसार

कृती:

१) तांदुळ धुवून त्याचा मोकळा भात शिजवून घ्या. टोमॅटोच्या फोडी करून मिक्सरमध्ये टोमॅटोचा रस काढून घ्या.

२) एका कढईत तेल तापवून त्यात मोहरी, जिरं, हिंग व कडिपत्याची पानं घालून फोडणी करा. आलं- लसुण पेस्ट व हिरवी मिरचीला मधोमध चिरून फोडणीत घाला. बारीक चिरलेला कांदा घालून परता व टोमॅटोचा रस घालून मिश्रण उकळवा. थोडे घट्टसर झाल्यावर त्यात धने-जिरं पावडर, लाल तिखट, काश्मिरी लाल तिखट, चवीनुसार मीठ व शिजवलेला मोकळा भात घालून २-३ मिनिटे परता. 

३) गरमागरम सर्व्ह करा.