तवा पुलाव

साहित्य:

• २ वाट्या बासमती तांदूळ
• २ मध्यम आकाराचे टोमॅटो
• १ उकडलेला बटाटा
• १/२ वाटी मटार
• १ मध्यम कांदा
• १ छोटी सिमला मिरची
• १ टेबलस्पून आलं लसूण पेस्ट
• २ टीस्पून काश्मिरी लाल तिखट
• ३-४ टेबलस्पून तेल
• १ टेबलस्पून लिंबाचा रस
• १/२ टीस्पून चमचा जिरं
• १/४ टीस्पून हळद
• २ टीस्पून पावभाजी मसाला
• १ टीस्पून गरम मसाला
• चवीनुसार मीठ
• थोडेसे बटर

कृती:

१) तांदुळ धुवून त्याचा मोकळा भात शिजवून घ्या. 

२) कांदा, टोमॅटो, सिमला मिरची बारीक चिरून घ्या. उकडलेल्या बटाट्याचे तुकडे करून घ्या. एका कढईत तेल तापवून त्यात जिरं घाला व चिरलेला कांदा घालून परता. चिरलेला टोमॅटो व मटार घालून २-३ मिनिटे परता व मटार शिजवून घ्या. चिरलेली सिमला मिरची व बटाट्याच्या फोडी घालून पुन्हा २-३ मिनिटे परता.

३) तयार मिश्रणात आलं लसूण पेस्ट, हळद, काश्मिरी लाल तिखट व चवीनुसार मीठ घालून मिश्रण एकत्र करून घ्या. २ टीस्पून पावभाजी मसाला व १ टीस्पून गरम मसाला (आवडीनुसार कमी जास्त वापरा) घालून १-२ मिनिटे परता. शिजवलेला भात ,थोडेसे बटर व १ टेबलस्पून लिंबाचा रस घालून मिश्रण एकत्र करून १-२ मिनिटे वाफ द्या. 

४) बारीक चिरलेली कोथिंबीर घालून गरमागरम सर्व्ह करा.