पाकातल्या पु-या

साहित्य:

• दिड वाटी रवा
• १/२ वाटी मैदा 
• १/२ वाटी दही 
• २-३ टेबलस्पून तेल
• दिड वाटी साखर 
• १/४ टीस्पून वेलची पावडर 
• थोडेसे केशर
• तळण्यासाठी तेल/तूप 

कृती:

१) रवा व मैदा एकत्र करून, त्यात २-३ टेबलस्पून कडकडीत तेलाचे मोहन घाला. रवा व मैद्याचे मिश्रण एकत्र करून घ्या.

२) वरील मिश्रणात १/२ वाटी दही घालून मिश्रण एकत्र करून घ्या. आवश्यकतेनुसार थोडे पाणी घालून कणिक भिजवा व चांगली मळून घ्या.

३) तयार कणकेचा गोळा १/२ ते १ तास झाकून ठेवा. नंतर कणिक पुन्हा चांगली मळून घ्या. छोटे छोटे गोळे करून घ्या.

४) एका भांड्यात साखर घेऊन त्यात  १/२ - १ वाटी पाणी घालून एकतारी पाक करा. तयार पाकात वेलची पावडर व केशर घाला.

५) एका कढईत तेल/तूूूप तापवून त्यात एक एक पुरी लाटून, तळून, गरम पाकात टाका. दुसरी पुरी तळून पाकात टाका व पाकात टाकलेली पहिली पुरी काढून एका खोल ताटलीत काढून ठेवा.

६) सगळ्या पु-या एक-एक करून तळा व पाकातून काढून ठेवा. काढून ठेवताना त्या पु-यांमध्ये अतिरिक्त पाक रहाणार नाही याची खात्री करून घ्या.

७) तयार पाकातल्या पु-या सर्व्ह करा.