शिंगाड्याचे लाडू

साहित्य:

• २-३ वाट्या शिंगाड्याचे पीठ
• १ वाटी शेंगदाण्याचं कूट
• १ ते दिड वाटी साजूक तूप
• दिड वाटी पीठीसाखर
• १/४ चमचा वेलची पूड
• १/४ कप दूध
• ८-१० काजूचे तुकडे

कृती:

१) एका कढईत पाऊण वाटी साजूक तूप व शिंगाड्याचे पीठ घेऊन मध्यम आंचेवर शिंगाड्याचे पीठ खमंग भाजावे. आवश्यकता वाटल्यास पुन्हा थोडे तूप घाला. पीठ भाजून झाल्यावर त्यात शेंगदाण्याचं कूट घालून १-२ मिनिटे पीठ भाजावे. भाजलेल्या पीठात वेलची पूड घाला.

२) गॅस बंद करून भाजून झालेल्या पीठावर १/४ कप दूध घालून पीठ चांगले ढवळा.

३) भाजलेले पीठ कोमट झाल्यावर त्यात पीठीसाखर व काजूचे तुकडे घाला. 

४) तयार पीठ चांगले मळा व लाडू वळा. पीठ कोरडे वाटल्यास त्यात १ चमचा साजूक तूप घालून लाडू वळा.
(तयार साहित्यात १०-१२ मोठे लाडू होतात.)

( आपल्या आवडीनुसार साजूक तूप व पीठीसाखर कमी-जास्त प्रमाणात वापरा.)